ဘုရားကျောင်းကန်သွားမည့်အမျိုးသမီးများသတိထားစေဖို့
>>>>>>>>>>>{{{(((())))}}}<<<<<<<<<<<<<
ရှင်စောပု မိဖုရားကြီးက ဘုန်းကြီးကျောင်းသွားခါနီး
သူ့အခြွေအရံများကို မှာကြားသည်မှာ -
ထိပ်ထား တစ်ခုသတိပေးချင်သေးတယ်။ သမီးတော်တို့ရော
သေသေချာချာ နားထောင်ကြနော်။ ယခုမယ်မယ်တို့ သွားရမှာက
ရဟန်းတော်တွေ သီတင်း သုံးတဲ့နေရာ၊ မယ်မယ်တို့
ချယ်သထားတာက တကယ့်ပွဲလမ်းသဘင် သွားမယ့်အတိုင်းပဲ။
မိန်းမတယောက်ရဲ့ ၀တ်စားဆင်ယင်မှုနဲ့ အမူအရာတွေဟာ
ဆန့်ကျင်ဘက် ဖြစ်တဲ့ ပုရိသတွေကို ဆွဲဆောင်နိုင်စွမ်းရှိတယ်။
အဆန်း တကြယ် ပြင်ဆင်မွမ်းမံမှုက ညှို့ယူလိုက်တဲ့အတွက်
သူတို့မှာ ပူလောင်တဲ့ ကိလေသာတွေ ဖြစ်လာနိုင်တယ်လေ။
ဒီလို သူ့စိတ်ကို အမှောင်ရိပ်လွှမ်းသွားတာနဲ့ တပြိုင်နက်
သူ့မှာ အပြစ်ဖြစ်ရသလို၊ သူ့ကိုပူလောင်အောင် ၀တ်ဆင်ထားတဲ့
မိန်းမမှာလည်း တန်းတူ အပြစ်ဖြစ်ရတယ်။ ဒီတော့ ကိုယ့်ရဲ့ အနေအထိုင်ကြောင့် တစ်ပါးသူတစ်ဦးကို ဘယ်တော့မှ အမှောင်မလွှမ်းသွားပါစေနဲ့။
သမီးတော်တို့ . . . ရဟန်းတော်တွေဆိုတာကလည်း အာသဝေါ
ကုန်းခမ်းနေသူတွေ ရှိသလို၊ပုထုဇဉ်တွေ ရှိတာပဲလေ။ ဒီတော့ ပုထုဇဉ်
ရဟန်းတော်တွေအတွက် မယ်မယ်တို့လို မိန်းမသားတွေက
ဝတ်စားဆင်ယင်မှုကို ဆင်ခြင်ကြဖို့ လိုအပ်တယ်။ပုထုဇဉ်တွေပဲဖြစ်လို့
ပြာဖုံးနေတဲ့ မီးခဲတွေပါပဲ။ ဒီမီးခဲ တွေကို သမီးတော်တို့ရဲ့ တပ်မက်စရာ ရူပါရုံဆိုတဲ့ လေပြေတစ်ချက်မွေ့ လိုက်ရင် . . .
ထိပ်ထား မဆက်ပါရစေနဲ့တော့ကွယ် . . . ။
ဒါကြောင့် သင့်တင့်ရုံပဲ ပြင်ဆင်ကြ၊ ခေါင်းကပန်းတွေဖြုတ်လိုက်။
မှုံနံ့သာတွေ ကိုလည်း ဖျက်လိုက်ကြပါဦး။ လုံလုံခြုံခြုံဝတ်ဆင်ပြီး
မြင်ရသူစိတ်ထဲမှာ နှမငယ်၊ သမီးငယ်တယောက်လို
ကရုဏာပွားလာအောင် ဝတ်စားဆင်ယင်ပီး
ပြောဆို ဆက်ဆံ ကြပါကွယ်။
မသန်းသန်း (မန်းတက္ကသိုလ်)၏ ရှင်စောပု အမည်ရှိ စာအုပ်မှ။
မေတ္တာစေတနာဖြင့်
အလင်းစေတမန် အွန်လိုင်း ပရဟိတ
No comments:
Post a Comment